Grace Jones, ikona ”Uniseks”që theu barrierat e identitetit gjinor

Është një fakt i mirënjohur që artistët prodhojnë krijimtarinë e tyre në përputhje me eksperiencat e tyre në jetë-sidomos me mënyrën sesi rriten dhe edukohen. Kjo është e konkretizuar në rastin e Grace Jones, këngëtarja ikonike, modelja, muza, aktorja dhe artistja e performancave të zjarrta. Edhe pse njihet për flirtimin e saj me stereotipet gjinore dhe lojën me identitetin seksual, Jones u rrit në një familje shumë tradicionale në Xhamajkë. Pas transferimit në Shtete e Bashkuara të Amerikës në moshë të vogël  ajo nisi të testojë limitet e saj- një rrugë që do ta çonte Grace-in në thyerjen e të gjitha tabuve dhe limiteve me veten.

E njohur nga shumë agjenci modelingu për tiparet e saj të theksuara, shpesh e dyzuar mes feminilitetit dhe maskulinitetit, Jones kujton në publikimin e autobiografisë së saj kontaktet e saj të para me kulturën gej dhe frekuentimin e klubeve, të cilat ishin miqësore ndaj komunitetit LGBT.

Një ekstrakt nga autobiografia:

“ Nisa të dal në klubet e gejve së bashku me vëllain tim Chris, ky i fundit gej. Babai im ishte shumë i sikletosur me faktin që Chris kishte këtë orientim seksual. Ishte një presion psikologjik I rëndë për një prift si im atë që të lejonte djalin e tij të ishte gej, kur ndërkohë në qytezën xhamajkane ku ne jetonim fëmijët e priftit duhet të shërbenin si shembull për komunitetin fetar.

Po më e vështirë ishte për vetë Chris-in. Ai kishte lindur me tipare shumë femërore. Unë ndihesha shumë e lidhur me Chrisin sikur të ishim binjakë. Ndonjëherë realisht e mendoja veten të lidhur me të në barkun e nënës. Unë linda me tipare më shumë mashkullore, një vajzë që mori tiparet burrërore që Chrisit i mungonin. Kurse Chris-i mori feminitetin që unë se pata. Në Xhamajkë ai abuzohej fizikisht për të qenurit një djalë me pamjen e një vajze. Tani kohët kanë ndryshuar por atëherë ka qenë një periudhë shumë e zezë.

Ka disa gjene në bagazhin kromozomik të ADN sonë që e mbart një identitet të caktuar gjinor. Për individë si Chris, që prej minutës kur ata fillojnë dhe ecin, përpara se të futen në kontakt me botën e të mësojnë prej saj, ekziston një element feminin.  Chris ngacmohej për këtë fakt, për mospërputhjen e seksit të tij mashkullor me sjelljen dhe pamjen e tij femërore. Një ditë Chris po më rrëfehej mes lotësh se ai ishte përdhunuar nga një burrë i bardhë i martuar dhe kjo eksperiencë e kishte impaktuar rrënjësisht atë.

Ai madje shkoi për trajtim mjekësor tek një psikiatër, për të vënë në vijë ndjesitë dhe mendimet e tij të çorientuara në atë kohë. Chris thoshte shpesh se ai i dashuronte femrat, por nuk mund të kishte një të dashur që do të mund të kuptonte e të pranonte feminitetin e tij. Për Chris të gjithë aludonin se ai ishte gei pasi ishte shumë feminine në sytë e të gjithëve. Për këtë arsye unë vetë vendosa të luaj me perceptimet e njerëzve për identitetin gjinor dhe ta paraqes atë sa më fluid”.

Përgjatë viteve 80’ Grace ishte shndërruar në një ikonë për komunitetin LGBT me pamjen e saj prej hermafroditeje duke promovuar idenë se etiketimet nuk duhet të ekzistojnë dhe gjithë secili duhet të sillet ashtu siç ndihet më mirë. Ajo kishte arritur të ndërtone një karrierë të suksesshme në modeling, aktrim dhe duke nënshkruar me shtëpi të famshme diskografike si “Island records”, “Manhattan records”, “Wall of sound” etj.

 

Më poshtë është e zbardhur një intervistë me natyrë seksiste me Grace-in, teksa ajo shpjegon për identitetin e saj gjinor të shkrirë midis dikotomisë femër-mashkull.

 

Moderatori: Më duhet të ndihem i shqetësuar që po ju intervistoj ju?

Grace: Pse duhet të ndihesh? Nuk e kuptoj pse…

Moderatori: Për shkak të reputacionit famëkeq për sulmin që ju i bëtë moderatorit teksa ju ktheu shpinën në një emision të transmetuar drejtpërdrejtë.

Grace: Po edhe….Vetëm për këtë e gëzoj këtë reputacion famëkeq.

Moderatori: Realisht njihesh si një grua shumë agresive.

Grace: Mendoj se të qenurit agresive në një mënyrë poztive më ndihmon të mbroj veten nga njerëz të ndryshëm…

Moderatori: Mund të të pyes në lidhje me si e shikon veten tënde?

Grace: Unë jam thjesht skizofrene ( qesh ), kam luhatje humori dhe emocione si cdo qenie njerëzore normale…

Moderatori: A je feminine? Të pëlqen maskuliniteti?

Grace: Më pëlqen që unë i kam të dyja, por realisht nuk ka shumë lidhje të qenurit mashkullore, më shumë qëndrimi im mashkullor. Maskuliniteti? Ma thuaj ti të lutem cfarë është maskuliniteti pasi po konfuzohem…Kam jetuar e rrethuar nga burra si babai im fanatik fetar, gjyshërit dhe shumë të tjerë, mësova dhe u influencova nga sjelljet e tyre.

Moderatori: A ka ndikuar kjo në orientim tënd seksual? A të pëlqejnë vajzat?

Grace: Hmm them se i pëlqej vajzat pasi nëse sdo të më pëlqenin, nuk do të më pëlqente as vetja ime.  Nëse sdo të më pëlqenin vajzat do të ishte njësoj si të thoja që se shoh veten time si tërheqëse.

Moderatori: A të bën kjo një biseksuale?

Grace: E shoh si qesharake këtë kategorizimin e orientimeve seksuale, ndarjen dhe krahasimin midis ndjenjave, thjesht bëj atë cfarë dua në mënyrën më të lirë të mundshme.

 

 

 

 

 

Share on FacebookShare on Google+Tweet about this on TwitterShare on LinkedInEmail this to someonePin on Pinterest