Barack Obama lavdëron Ellen DeGeneres për fuqizimin e gejve

obama_mill-1_640x345_acf_cropped

Obama u shfaq në episodin e fundit të The Ellen DeGeneres Show.

Presidenti amerikan Barak Obama kohët e fundit e ka kredituar moderatoren e talk-show-t Ellen DeGeneres si ndryshuesja e “zemrave dhe mendjeve” në betejën për të drejtat LGBT.

DeGeneres e filloi episodin e emisionit të kësaj jave duke falënderuar Obamën “për atë që keni bërë për komunitetin gej.”

Presidenti pohoi promovimin e tij për të drejtat LGBT “është një nga gjërat për të cilat unë jam krenar,” para se të lavdëronte mikpritësen e tij.

“Të ndryshosh zemrat dhe mendjet, unë nuk mendoj se dikush ka patur më shumë ndikim se ju,” i tha asaj.

“Ju që ishit e gatshme të deklaronit që ishit ajo që ishit, papritmas fuqizuat njerëz të tjerë.”

“Ligji erdhi, por ajo filloi me njerëz si ju.”

Në vend që ta merrte komplimentin seriozisht, DeGeneres u përgjigj me një shaka.

“Unë nuk jam vërtetë gej. Unë thjesht mendova se do të funksiononte, dhe mu desh të vazhdoja me të, sepse njerëzve u pëlqeu”.

Ndërkohë, DeGeneres ka patur arsye për të festuar muajin e kaluar, pasi shfaqja e saj mori një marrëveshje rinovimi të fuqishme – e cila do ta mbajë shfaqjen në transmetim deri në vitin 2020.

Shfaqja u transmetua për herë të parë në vitin 2003, por ende tërheq rreth 3,9 milionë shikues për episod.

DeGeneres e përdor shpesh shfaqjen si një platformë për të folur në lidhje me historitë dhe çështjet LGBT, dhe ka intervistuar shumë të famshëm – nga Caitlyn Jenner tek vetë Obama./A.A.

/pinknews.co.uk

Share on FacebookShare on Google+Tweet about this on TwitterShare on LinkedInEmail this to someonePin on Pinterest