ASHMDF iu tërheq vëmendjen mediave: Tregoni kujdes në raportimin mbi ngjarjen e motrave Kajtazi

10409144_1523248651266935_7201906167041086661_n-600x320

Agjencia Shtetërore për Mbrojtjen e të Drejtave të Fëmijëve iu ka tërhequr vëmendjen 9 mediave në vend, përfshirë televizionet kombëtare, të tregohen të kujdeshme në paraqitjen e lajmeve mbi fëmijët.

“Të nxitur nga rasti i fundit i dy motrave K., – thuhet në njoftim, – por jo vetëm, i kujtojmë mediave se detyra e tyre kryesore është mbrojtja e imazhit dhe respektimi me rigorozitet i privatësisë së të miturve.

Duhet shmangur çdo raportim apo transmetim, që çon direkt apo indirekt në identifikimin me pamje dhe zë, me gjeneralitete, apo adresë të çdo fëmije që mund të jetë ose është viktimë apo i akuzuar për kryerjen e një vepre penale. Kjo nuk ndihmon aspak riintegrimin e fëmijëve dhe zgjidhjen e problemeve të tyre.”

Në fund të njoftimit, renditen emrat e mediave që iu paralajmërohen për këtë rast: Tema, Shqip, Dita, Shqiptarja, Klan, A1Report, Panorama, Gazeta Shqiptare, Top Channel.

 

Share on FacebookShare on Google+Tweet about this on TwitterShare on LinkedInEmail this to someonePin on Pinterest